Böyük Britaniya beş azərbaycanlını niyə hədəfə alıb

B.Britaniya hökumətinin Rusiya neftini daşımaqla məşğul olan “kölgə donanmasına” qarşı ciddi sanksiyalar tətbiq etməsi azərbaycanlıları da vurdu.

Bu barədə Financial Times qəzeti maraqli məqalə dərc edib.

Niyə azərbaycanlılar bu sanksiyaların hədəinə çevrildi?

Məqalənin cox maraqlı hissəsini təqdim edirik:

“Britaniya Ukraynada sülh sazişi üzrə danışıqların davam etdiyi bir vaxtda Moskvaya iqtisadi təzyiqi artırmağa çalışaraq, Rusiya neftinin ticarətində iştirak etdiyini iddia etdiyi əsas şəxslərə qarşı sanksiyalar tətbiq edib.

Baş nazir Keir Starmerin Rusiyanın “kölgə donanması” adlandırılan neft tankerlərinə qarşı Böyük Britaniyanın “ən böyük sanksiya paketi” adlandırdığı tədbir çərçivəsində Böyük Britaniya Azərbaycandan olan beş treyderi, Etibar Eyyub, Tahir Qarayev,Əhməd Kərimov,Anar Mədətli və Tələt Səfərovu hədəfə alıb.

Moskvaya qarşı genişmiqyaslı Qərb sanksiyaları rejimi Rusiya neftinin axmağa davam etməsinə imkan vermək, lakin Kremlin əldə etdiyi gəlirləri azaltmaq üçün nəzərdə tutulub. Buna cavab olaraq Rusiya bir çox qaydaların qarşısını almaq üçün neft tankerləri, gəmiçilik şirkətləri və treyderlər şəbəkəsi qurdu.

Eyyub, Qarayev və Kərimov “Coral Energy (indiki 2Rivers Group) şirkətinə birbaşa və ya dolayı yolla sahiblik və ya nəzarət yolu ilə Rusiya hökumətinin dəstəyindən faydalanmağa cəlb ediliblər”.
Britaniya Əyyubu cümə günü də sanksiya qoyduğu digər iki şirkətlə, Nord Axis Ltd və BX Energy ilə əlaqələndirib.

Hakimiyyət ilk dəfədir ki, Əyyubu 2010-cu ildə Qarayev tərəfindən yaradılan Coral Energy və prezident Vladimir Putinin 2022-ci ildə Ukraynaya genişmiqyaslı işğalından sonra Rusiya neftinin ticarəti ilə məşğul olan treyderlər qrupunun bir hissəsi olan Nord Axis ilə açıq şəkildə əlaqələndirir.

Nord Axis 2022-ci il fevralın 15-də, Rusiya tanklarının Ukrayna sərhədini keçməsindən bir həftə əvvəl qeydə alınıb. Beş ay sonra, 2022-ci ilin iyulunda o, Trafigura-nın Rusiyanın nəhəng Vostok neft layihəsində çox milyard dollarlıq payının alıcısı oldu”.