RİH başçısının növbəti səyyar qəbulu Kötüklü kəndində keçirilmişdir
Qəbələ Rayon İcra Hakimiyyətinin başçısı Səbuhi Abdullayevin növbəti səyyar qəbulu rayonun Kötüklü kənd sakinləri ilə keçirilib. RİH-nin məsul əməkdaşları, xidmət təşkilatlarının rəhbərləri, kənd sakinləri və ağsaqqalların iştirak etdiyi tədbirdə rayon icra hakimiyyətinin başçısı ölkəmizdə sosial-iqtisadi sahədə qazanılan uğurlardan, Azərbaycan Respublikasının Prezidenti İlham Əliyevin bölgələrə göstərdiyi xüsusi diqqət və qayğıdan danışmış, eləcə də Qəbələ rayonunda aparılan tikinti-quruculuq işləri, əhalinin sosial problemlərinin həlli istiqamətində həyata keçirilən tədbirlər barədə ətraflı məlumat vermişdir. Sonra kənd sakinləri dinlənilmiş, qaldırılan məsələlərin bir çoxu yerində həll edilmiş, digərlərinin həlli nəzarətə götürülmüşdür. Kənd sakinləri əhalinin rifahının daha da yaxşılaşdırılması istiqamətində həyata keçirilən tədbirlərə, görülən işlərə ölkə rəhbərliyinə öz dərin minnətdarlıqlarını bildirmişlər.

Qəbələ rayon icra hakimiyyəti