Göyçayda mənzildən qadın meyiti tapılıb. Sən demə, qəfl dünyasını dəyişən 1960-cı il təvəllüdlü, əvvəllər Göyçay şəhər 3 saylı məktəbdə “Rus dili və ədəbiyyat” fənnindən dərs keçən, müəllim Rəsulova Məhəbbət Əlihüseyn qızı imiş. Mərhumə xanımın oğlu, Göyçaylı rəssam Nihad Əliyevdir. Nihadla görüşdüm və o, anasının ölüm xəbərini necə öyrəndiyini danışdı mənə. İnanın ki, ətim biz-biz oldu. Deməli, Nihad Bakıda imiş və o, gün ərzində ən azı 3 dəfə anası ilə telefon danışığı edirmiş. Bakıdan anasına zəng edən Nihad zənglərin cavabsız olduğunu görüb həyəcanla Göyçaya gəlib. Yaşadığı evin qapısını dəfələrlə döyməsinə baxmayaraq evdən səs çıxmayıb. Mərhumənin oğlu dərhal Fövqəladəyə zəng edib və qapını gəlib açıblar. Anasının yatdığı otağa keçəndə görüb ki, anası sanki, dincin alırmış kimi uzanıb qalıb. Deyir, birinci səs çıxartmadım ki, ola bilsin yorğundu yatıb və oyanar deyə sakit durdum. Daha sonra isə ana, ana deyərək çağırmağa başladım. Toxunanda isə hiss elədim ki, bu yuxu o yuxudan deyil. Anam bu dünyaya gözlərini əbədiyyən yumub. Allah rəhmət eləsin. Nihad Göyçayyda tanınan rəssamdır və ən əsas mərfətli insandı. Allah səbirlər versin.