Şamaxı, 5 fevral, Rəşad Türkoğlu, AZƏRTAC

Şamaxı rayonunda dəm qazından zəhərlənmə baş verib.

AZƏRTAC-ın bölgə müxbiri xəbər verir ki, hadisə nəticəsində bir ailənin üç üzvü – ana və iki övladı zəhərlənmə şübhəsi ilə Şamaxı Rayon Mərkəzi Xəstəxanasına çatdırılıb.

Zəhərlənən şəxslərə dərhal tibbi yardım göstərilib. Hazırda onların vəziyyətinin ağır olduğu bildirilir. Faktla bağlı araşdırma aparılır.

Azərtac