Rusiya Çin maşınlarının ölkəyə gətirilməsini qadağan etdi

Çin istehsalı olan Dongfeng, Foton, FAW və Sitrak yük maşınlarının Rusiya bazarına tədarükü dayandırılıb.
Rosstandart (Rusiya Standartlaşdırma Agentliyi) bu markaların rəsmi nümayəndələrindən cavab addımlarını gözləyir.

Qurum planlaşdırılmamış yoxlamalar aparıb və aşağıdakı nöqsanları aşkarlayıb:

— əyləc sisteminin effektivliyi;
— hərəkətdə olan nəqliyyat vasitəsinin yaratdığı səs səviyyəsi;
— nəqliyyat vasitəsinin idarəetmə elementlərinin düzgün tanınması;
— təcili yardım çağırış cihazının quraşdırılması.

Bundan əlavə, sənədlərdə uyğunsuzluqlar aşkar olunub. Onlar aşağıdakı sahələri əhatə edir:

— elektromaqnit şüalanmasına qarşı davamlılıq;
— təhlükəsizlik kəmərlərinin bərkidilmə yerləri;
— təhlükəsizlik kəmərlərinin quraşdırılması;
— oturacaqlar, onların bərkidilməsi və başaltılar;
— oğurluğa qarşı müdafiə sistemləri;
— arxa qoruyucu qurğular;
— yan qoruyucu qurğular;
— sükan sistemi;
— ön aşağı qoruyucu qurğular;
— kabinədə zərərli maddələrin miqdarı.

azadlıq qəzeti